وقال:
أنا رحت أنضم في مرة
رحت أنضم في مرة
لقلة مندسة
بالتهميش والظلم عمرها ماكانت حاسة
.. أنا رحت أنضم في مرة
رحت أنضم في مرة
لقلة مندسة
بالتهميش والظلم عمرها ماكانت حاسة
لقيت خلق كتيرة تقول: مصر بناسها
بتاع يجي مليون
وبيزيدوا لسه
ياعيني على القلة!
ياليلي على المندسة!
..
فتشوني وأنا داخل
فتشوني وأنا داخل
بأيادي خارجية
أيادي متلطخة بالفول والطعمية
قلت في نفسي أكيد:
دي عجينة دولية
..
لمحت بنت بعيد
لمحت بنت بعيد
ماشية بيافطة في الميدان
ياتري مكتوب بالفارسي؟
، ولا مترجمة في لبنان؟
تلاقي كاتبة عليها
الحلوة دي من طهران
ولاهاشوف في إيديها ألوان علم إيران؟
قربت لقيت مصرية
وكاتبة: " احنا ليه بنتهان؟ "
..
شاب بيعزف عود
شاب بيعزف عود
.. بأصابع خارجية
تلاقي كاتب النوتة في أجندة دولية
قربت لقيته بيعزف أغاني الشيخ إمام
ويرودوا عليه: " الشعب يريد إسقاط النظام "
.. بقى هيا دي القلة؟ آه ياعرة الإعلام
آه يابوق النظام
يابوق النظام
ياساقط ابتدائية
فيه اختراع اسمه: قنوات فضائية
يعني ماسمعتوش عن حاجة اسمها دش؟
ولا مازهقتوش من التضليل والغش؟
وبعد ده كله لسه المذيع له وش؟
..
إيه ياعم الإعلامي؟
ياعم الإعلامي؟
يابو الكلام شفاف
طلتك على الشاشة توحي بالإسفاف
بطل بعقولنا كدب واستخفاف
أنا رحت أندس في مرة
رحت أندس في مرة في قلة مندسة
بالتهميش والظلم عمرها ماكانت حاسة
المنظومة فاسدة من ساسها لراسها
أنا رحت أندس في مرة هااااا هااااا هااااا هااااااااا
في قلة مندسة
بالتهميش والظلم عمرها ماكانت حاسة
دا المنظومة فاسدة
من ساسها لراسها
.. الدم كان بيسيل
وده جايب صورة النيل
خلى تليفزيوننا
فضيحته بشخاليل
.. عايش بالأوهام
يخيبك إعلام
ده الشعب يريد تطهير الإعلام
الشعب يريد تطهير الإعلام
الشعب يريد تطهير الإعلام
ليست هناك تعليقات:
إرسال تعليق